முதலமைச்சர் மு.க. ஸ்டாலின் பிறந்தநாள் - 16 குழந்தைகளுக்கு தங்க மோதிரம் அணிவித்த அமைச்சர் கீதா ஜீவன்.!
முதலமைச்சர் மு.க. ஸ்டாலின் பிறந்தநாளை முன்னிட்டு அமைச்சர் கீதா ஜீவன் 16 பச்சிளம் குழந்தைகளுக்கு தங்க மோதிரம் அணிவித்தார்.
தூத்துக்குடியில் திமுக தலைவர் தமிழக முதல்வர் மு க ஸ்டாலின் பிறந்த நாளை முன்னிட்டு தூத்துக்குடி அரசு மருத்துவமனை கல்லூரி மருத்துவமனையில் இன்று பிறந்த 16 பச்சிளம் குழந்தைகளுக்கு தூத்துக்குடி வடக்கு மாவட்ட திமுக செயலாளர் சமூக நலன் மற்றும் மகளிர் உரிமைத்துறை அமைச்சர் கீதாஜீவன் தங்க மோதிரம் அணிவித்து கொண்டாடினர்.
மேலும், தூத்துக்குடியில் ஜான் ஜீகன் முதியோர் இல்லத்தில் உள்ள முதியவர்களுக்கு அமைச்சர் காலை உணவு வழங்கினார். நிகழ்ச்சியில் திமுக மாநகர செயலாளர் ஆனந்தசேகரன், மாவட்ட பிரதிநிதி செல்வகுமார், மாமன்ற உறுப்பினர்கள் தெய்வேந்திரன், ஜாக்குலின் ஜெயா உள்ளிட்ட மாமன்ற உறுப்பினர்கள் பகுதி,வட்ட,கழக செயலாளர்கள் மற்றும் கழக நிர்வாகிகள் மற்றும் பலர் கலந்து கொண்டனர்.
