நிதியும் தர மாட்டார்கள் , கடனும் வாங்கக்கூடாது என்றால் எப்படி ? - பாஜக மாநில தலைவர் அண்ணாமலைக்கு - மதிமுக முதன்மைச் செயலாளர் துரை வைகோ கேள்வி.!
தூத்துக்குடி மாவட்டம் கோவில்பட்டி அருகே உள்ள குமாரகிரியில் நடைபெற்ற சி.கே.டி. பள்ளி விளையாட்டு விழாவில் கலந்து கொண்டு போட்டியில் வெற்றி பெற்ற மாணவ மாணவிகளுக்கு பரிசு வழங்கிய பின்னர் மதிமுக முதன்மைச் செயலாளர் துரை வைகோ செய்தியாளர்களிடம் பேசுகையில்
தமிழகத்தில் பெய்த தொடர் மழை காரணமாக சென்னை மற்றும் தென் மாவட்டங்கள் கடுமையாக பாதிக்கப்பட்டுள்ளன.
மக்களுக்கு நிவாரணம் வழங்க வேண்டும் , சாலை வசதி, நீர் நிலைகள் பராமரிப்பு உள்ளிட்ட காரணங்களுக்காக 37 ஆயிரம் கோடி ரூபாய் பேரிடர் நிதியாக வழங்க வேண்டும் என்று புள்ளி விவரங்களுடன் தமிழக அரசு எடுத்து வைத்த போதிலும் மத்தியில் உள்ள பாஜக அரசு வழங்கவில்லை
வழக்கமாக மாநில பேரிடருக்கு வழங்கக்கூடிய நிறைய தான் ஒன்றிய அரசு வழங்கி உள்ளது. தற்போது ஏற்பட்ட மழை வெள்ள பேரிடருக்கு மத்தியில் உள்ள பாஜக அரசு வழங்கவில்லை.
கடந்த 2014 முதல் 2023 வரை பல்வேறு பேரிடர் ஏற்பட்ட போதிலும் மத்தியில் உள்ள பாஜக அரசு வழங்கவில்லை
பாஜக ஆட்சி செய்யாத மாநிலங்களை ஒன்றிய அரசு மாற்றான்தாய் மனப்பான்மையுடன் பார்க்கிறது
மழை வெள்ளம் பாதிப்புகள் குறித்து தமிழக முதல்வர் மு க ஸ்டாலின் பிரதமர் மோடியை சந்தித்து எடுத்துரைத்தார். அதேபோன்று அமைச்சர்கள் தங்கம் தென்னரசு, உதயநிதி ஸ்டாலின் மாபெரும் புள்ளி விவரங்களுடன் மத்தியில் உள்ள பாஜக அரசு எடுத்துரைத்துள்ளனர்
ஆனால் மத்தியில் உள்ள பாஜக அரசு மாற்றான் தாய் மனப்பான்மையுடன் தான் செயல்பட்டு வருகிறது
இந்த இக்கட்டான நிதி நெருக்கடியிலும் தமிழக அரசு பொங்கல் பரிசு பொருட்கள் மற்றும் பொங்கல் பரிசு பணத் தொகை ரூ.1000அறிவித்துள்ளது.
திராவிட கட்சிகள் தமிழகத்தை கடனாளி மாநிலமாக மாற்றி விட்டதாக சகோதரர் அண்ணாமலை கூறுகிறார்..
மத்தியில் உள்ள பாஜக அரசு நிதி கொடுத்திருந்தால் தமிழக ஏன் கடன் வாங்க போகிறது
மத்தியில் உள்ள பாஜக அரசு நிதி தரவில்லை என்பதால் தான் தமிழக அரசு கடன் வாங்கி மக்களுக்கு தேவையான நிவாரணம் , சாலை பராமரிப்பு பணிகளை செய்து வருகிறது.
நிதியும் தர மாட்டார்கள் கடனும் வாங்கக்கூடாது என்றால் எப்படி நியாயம் ?
மக்கள் யோசிக்க வேண்டும். இந்த அவல நிலைக்குக் காரணம் மத்தியில் உள்ள பாஜக அரசுதான், ஒரே நாடு, ஒரே தேர்தல் சாத்தியமற்றது என்றார்
