திருப்பூர் மாவட்டம் அவினாசியில் தே.மு.தி.க அவிநாசி ஒன்றியம் சார்பில் மறைந்த தே.மு.தி.க நிறுவன தலைவர் விஜயகாந்த் அவர்களுக்கு நினைவு அஞ்சலி செலுத்தும் விதமாக அவினாசி பழைய பஸ் நிலையம் அருகே பயணியர் விடுதியில் இருந்து ஊர்வலமாக புறப்பட்டு முக்கிய வீதிகள் வழியே செங்காட்டு திடல் வரை அமைதி பேரணி நடைபெற்றது.இந்த நினைவு அஞ்சலி பேரணியில் தி.மு.க, அ.தி.மு.க, காங்கிரஸ், இந்தியா கம்யூனிஸ்ட் மார்க்சிஸ்ட் கம்யூனிஸ்ட், பா.ஜ.க, த.வி.க, ஆதித்தமிழர் பேரவை, ம.தி.மு.க, எஸ்.டி.பி.ஐ, வியாபரிகள் சங்கம், நல்லது நண்பர்கள், குளம் காக்கும் இயக்கம், அகரம், தமிழக மக்கள் மேடை, மனிதநேய மக்கள் கட்சி, கட்சி சார்பற்ற விவசாயிகள் சங்கம், விஜய் மக்கள் இயக்கம், அ.ம.மு.க நாம் தமிழர் கட்சி மற்றும் தன்னார்வ அமைப்புகள் உள்ளிட்ட அவிநாசி ஒன்றியத்திற்கு உட்பட்ட அனைத்து கட்சியை சார்ந்த நிர்வாகிகள் மற்றும் பொதுமக்கள் உட்பட ஏராளமானோர் ஊர்வலத்தில் கலந்து கொண்டனர்.
அமைதி பேரணியின் முடிவில் செங்காட்டு திடலில் வைக்கப்பட்ட விஜய்காந்த் உருவ படத்திற்க்கு அனைத்து கட்சி நிர்வாகிகள் மற்றும் பொதுமக்கள் மலர் தூவி மரியாதை மற்றும் ஒரு நிமிட மவுன அஞ்சலி செலுத்தினார்கள்.
