தே.மு.தி.க. நிறுவன தலைவரும், முன்னாள் சட்டமன்ற எதிர்க்கட்சி தலைவருமான விஜயகாந்த் உடல்நலக்குறைவால் நேற்று உயிரிழந்தார். இதையடுத்து இன்று சேவூர் கைகாட்டி ரவுண்டானா பகுதியில் விஜயகாந்த் படத்திற்கு முறியாண்டம்பாளையம் ஊராட்சி பொதுமக்கள் சார்பில் அஞ்சலி செலுத்தும் நிகழ்ச்சி நடைபெற்றது. இந்நிகழ்ச்சிக்கு முறியாண்டம்பாளையம் ஊராட்சி மன்ற தலைவர் ப.ரவிக்குமார் தலைமையில், அவினாசி தே.மு.தி.க. முன்னாள் ஒன்றிய செயலாளர் வடிவேல், முறியாண்டம்பாளையம் ஊராட்சி மன்ற துணைத்தலைவர் எஸ்.கே.கனகராஜ் ஆகியோர் முன்னிலையில் தேமுதிக மகளிர் அணியினர்,தொண்டர்கள், பொதுமக்கள் உள்பட ஏராளமானோர் கலந்து கொண்டு விஜயகாந்த் படத்திற்கு மலர் தூவி அஞ்சலி செலுத்தினர்.
