இந்திய கடற்படையின் ஹெலிகாப்டர் கொச்சி விமான நிலையத்தில் விழுந்து விபத்து.! - கடற்படை வீரர் பலி.!
இந்திய கடற்படையின் சேடக் ஹெலிகாப்டர் கேரளாவில் உள்ள கொச்சி விமான நிலையத்தில் விழுந்து நொறுங்கியது. விபத்தில் ஒருவர் பலியானார்.
கேரளா : கொச்சி அருகே உள்ள விலிங்டன் தீவில் உள்ள கடற்படை விமான நிலையத்தின் ஓடுபாதையில் இந்திய கடற்படை ஹெலிகாப்டர் சனிக்கிழமை விழுந்து நொறுங்கியது. இந்த விபத்தில் ஹெலிகாப்டரில் இருந்த இந்திய கடற்படை வீரர் ஒருவர் உயிரிழந்ததாக தகவல்கள் வெளியாகியுள்ளன. கொச்சியில் உள்ள விமான நிலையத்தில் சோதனை ஓட்டத்தின் போது இந்த விபத்து ஏற்பட்டது.
விபத்தில் ஒருவர் காயமடைந்துள்ளதாகவும் தகவல்கள் தெரிவிக்கின்றன. இந்திய கடற்படையின் பழமையான ஹெலிகாப்டர்களில் ஒன்றான ஐஎன்எஸ் சேடக் ஹெலிகாப்டர் சோதனை ஓட்டத்தின் போது விமான நிலையத்தில் விழுந்து நொறுங்கியது அதிர்ச்சியை ஏற்படுத்தியுள்ளது.
