உலகக்கோப்பையில் தொடர் தோல்வி - இலங்கை கிரிக்கெட் வாரியம் கூண்டோடு கலைப்பு.!
உலகக்கோப்பை கிரிக்கெட் போட்டியில்தொடர் தோல்வி காரணமாக இலங்கை கிரிக்கெட் வாரியம் கலைக்கப்பட்டுள்ளதாக அறிவிக்கப்பட்டுள்ளது.
13ஆவது உலகக்கோப்பை கிரிக்கெட் தொடரில் இலங்கை அணி 7 ஆட்டங்களில் விளையாடிய நிலையில், 5 ஆட்டங்களில் தோல்வியடைந்ததால் அரையிறுதி வாய்ப்பை இழந்தது.
இந்தியாவுக்கு எதிராக களமிறங்கிய ஆட்டத்தில் வெறும் 55 ரன்கள் மட்டுமே எடுத்து மோசமான தோல்வியை தழுவியது. இந்தச்சூழலில், உலகக்கோப்பையில் தொடர் தோல்வியை தழுவியதால் இலங்கை கிரிக்கெட் வாரியத்தை கலைத்து அந்நாட்டு விளையாட்டுத்துறை அமைச்சர் ரோஷன் ரணசிங்க உத்தரவிட்டுள்ளார்.
இதுவரை நடந்துள்ள லீக் ஆட்டங்களின் முடிவில் இந்தியா மற்றும் தென் ஆப்பிரிக்க அணிகள் அரையிறுதி சுற்றை எட்டியுள்ளன. மீதமுள்ள 2 அணிகள் இன்னும் உறுதி செய்யப்படவில்லை.
