திருப்பூர் இரயில் நிலையத்தில் ரயில் ஏறும்போது தவறி விழுந்த போது ரயிலில் சிக்கி வட மாநில பெண் பலத்த காயம்!!! இரயில்வே போலிசார் மீட்டு திருப்பூர் அரசு மருத்துவ கல்லூரி மருத்துவமனையில் அனுமதி....
தொழில் நகரமான திருப்பூரில் அதிகளவு வெளிமா மாவட்டம் மற்றும் வெளிமாநிலங்களை சேர்ந்த தொழிலாளர்கள் தங்கிப் பணியாற்றி வருகின்றனர். இந்த நிலையில் தீபாவளி பண்டிகை தொடர்ந்து கடந்த சில தினங்களாக திருப்பூர் ரயில் நிலையம் மற்றும் பேருந்து நிலையங்களில் மக்களின் கூட்டம் அதிகமாகவே காணப்பட்டது.
இந்த நிலையில் நேற்றைய தினம் திருப்பூர் ரயில் நிலையத்திலிருந்து ஒடிசா, பீகார், பாட்னா, ஜார்கண்ட் உள்ளிட்ட மாநிலங்களுக்கு செல்வதற்காக வடமாநில தொழிலாளர்கள் அதிகளவு குவிந்தனர். இந்த நிலையில் வழக்கமான அட்டவணைப்படி ரயில்கள் இயக்கப்பட்டதால் அளவுக்கு அதிகமான பயணிகள் இருந்த சூழ்நிலையில் திருப்பூர் ரயில் நிலையத்தில் நேற்றைய தினம் பயணிகள் ஏறும் முன்பு ஒருவரை ஒருவர் முந்திக்கொண்டு சென்று ரயிலில் ஏரி சென்றனர்.
இதில் ஒடிசா மாநிலத்தை சேர்ந்த காயத்ரி பேக்கரா என்ற பெண் கையில் குழந்தையுடன் ஓடும் ரயிலில் ஏற முயற்சித்த போது தடுமாறி கீழே விழுந்தார். அந்தப் பெண் கீழே விழுவதைக் கண்டு அருகில் இருந்தவர்கள் பெண்ணை பிடித்த போதிலும் தண்டவாளத்திற்கு இடையில் சிக்கிக் கொண்டார்.
கையில் வைத்திருந்த குழந்தையை மட்டும் அருகில் இருந்தவர்கள் பாதுகாப்பாக மீட்டனர். இதில் பலத்த காயமடைந்த காயத்ரி பேக்கரா திருப்பூர் அரசு மருத்துவக் கல்லூரி மருத்துவமனையில் ரயில்வே போலீசாரால் அனுமதிக்கப்பட்டனர். தொடர்ந்து இடுப்பு மற்றும் வலது கையில் எலும்பு முறிவு ஏற்பட்டுள்ளது. அந்த வட மாநில பெண்ணிற்கு தீவிர சிகிச்சை அளிக்கப்பட்டு வருகிறது. இச்சம்பவம் குறித்து திருப்பூர் ரயில்வே போலீசார் வழக்கு பதிவு செய்து விசாரணை நடத்தி வருகின்றனர்.
