தூத்துக்குடி : காதல் தம்பதி கொலை வழக்கு - காலையில் பெண்ணின் தந்தை கைது செய்யப்பட்ட நிலையில்இளஞ்சிறார் உட்பட மேலும் 3 பேர் கைது.!
தூத்துக்குடி முருகேசன் நகரில் வசித்து வரும் ஒரே சமுதாயத்தைச் சேர்ந்தவர்களான வசந்தகுமார் மகன் மாரிச்செல்வம் (23), அவரது மனைவி கார்த்திகா (21) ஆகிய இருவரையும் நேற்று மாலை 6.30 மணியளவில் மர்ம கும்பல் வெட்டி விட்டு தப்பியதையடுத்து விசாரனையில் இறங்கிய போலீசார் திரு.வி.க நகரைச் சேர்ந்த கொலையான கார்த்திகாவின் தந்தை முத்துராமலிங்கத்தை இன்று காலை கைது செய்தனர்.
இந்நிலையில் இக்கொலையில் தொடர்புடையதாக கூறி தூத்துக்குடி கே.வி.கே நகரைச் சேர்ந்த இசக்கிமுத்து மகன் இசக்கிராஜா (23) தூத்துக்குடி சங்கர் காலனியைச் சேர்ந்த மாரியப்பன் மகன் ராஜபாண்டி (27) மற்றும் ஒரு இளஞ்சிறார் ஆகிய 4 பேரை கைது செய்துள்ளனர். மேலும் இந்த வழக்கு சம்மந்தமாக போலீசார் தீவிர விசாரணை மேற்கொண்டு வருகின்றனர்.
