தூத்துக்குடி : பீச் ரோட்டில் பைக்கில் சென்ற தம்பதியை மிரட்டி ரூ.25ஆயிரம் பறிப்பு - வாலிபர் கைது.!
தூத்துக்குடியில் பைக்கில் சென்ற தம்பதியரை மிரட்டி ரூ.25ஆயிரம் பணத்தை பறித்த வாலிபரை போலீசார் கைது செய்தனர். மேலும் ஒருவரை தேடி வருகின்றனர்.
தூத்துக்குடி தெர்மல் நகர் கேம்ப் 1ல் வசிப்பவர் கிருஷ்ணன் மகன் செல்லப்பா (53). இவர் தூத்துக்குடி அனல் மின் நிலையத்தில் வேலை பார்த்து வருகிறார். நேற்று தனது மனைவி ஆவடியம்மாள் (45) என்பவருடன் தீபாவளி ஜவுளி எடுப்பதற்காக பைக்கில் பீச் ரோட்டில் வந்து கொண்டிருந்தார். அப்போது பைக்கில் பின் தொடர்ந்து வந்த 2பேர், அவர்களை வழிமறித்து கத்தியை காட்டி மிரட்டி அவரிடம் இருந்த ரூ.25 ஆயிரம் ரொக்க பணம் பறித்துக் கொண்டு மின்னல் வேகத்தில் பைக்கில் சென்று விட்டனர்.
இந்த சம்பவம் குறித்து செல்லப்பா தென்பாகம் காவல் நிலையத்தில் புகார் செய்தார். புகாரின் பேரில் இன்ஸ்பெக்டர் ராஜாராம் வழக்கு பதிவு செய்து விசாரணை நடத்தியதில் ஓட்டப்பிடாரம் சிலோன் காலினியை சேர்ந்த சிவபெருமாள் மகன் தங்ககுமார் (33), என்பவரை கைது செய்தனர். அவரிடம் இருந்த ரொக்க பணம் 25,000-த்தை பறிமுதல் செய்தனர். மேலும் அவருடன் வந்த மற்றொரு வாலிபரை போலீசார் தேடி வருகிறார்கள். இச்சம்பவம் தூத்துக்குடியில் பரபரப்பை ஏற்படுத்தி உள்ளது.
