தூத்துக்குடியில் வரும் 15ஆம் தேதி குடிநீர் விநியோகம் தடை : மாநகராட்சி ஆணையர் அறிவிப்பு.!
தூத்துக்குடி மாநகரப் பகுதிகளில் வருகிற 15ஆம் தேதி புதன்கிழமை குடிநீர் விநியோகம் தடை செய்யப்படும் என்று மாநகராட்சி நிர்வாகம் தெரிவித்துள்ளது.
தூத்துக்குடி மாநகராட்சிக்கு குடிநீர் விநியோகம் செய்யப்படும் கலியாவூர் தலைமை நீரேற்று நிலையத்தில் கீழ வல்லநாடு குடிநீர் சுத்திகரிப்பு நிலைய பகுதிக்கு வரும் மின்சார பாதையான கொம்பு கார நத்தம் துணை மின் நிலையத்தில் மாதாந்திர பராமரிப்பு பணிகள் மேற்கொள்ளப்பட இருப்பதால் வருகின்ற 15.11.2023 புதன்கிழமை காலை 9.00 மணி முதல் மாலை 4.00 மணி வரை தூத்துக்குடி மாநகரப் பகுதிகளில் குடிநீர் விநியோகம் இருக்காது என்ற விபரம் தெரிவிக்கப்படுகிறது.
எனவே பொதுமக்கள் குடிநீரை சிக்கனமாக பயன்படுத்துமாறு மாநகராட்சி ஆணையர் தினேஷ் குமார் விடுத்துள்ள செய்திக்குறிப்பில் தெரிவித்துள்ளார்.
