நேபாள நிலநடுக்கம்: பலி எண்ணிக்கை 129 ஆக உயர்வு; பல இடங்களுடனான தொடர்பு துண்டிப்பு.!
நேபாளத்தின் மேற்குப் பகுதியில் வெள்ளிக்கிழமை நள்ளிரவு ஏற்பட்ட 6.4 ரிக்டர் அளவிலான சக்திவாய்ந்த நிலநடுக்கத்தில் சிக்கி உயிரிழந்தோரின் எண்ணிக்கை 129ஆக உயர்ந்துள்ளது.
மலைக் கிராமங்களில் மீட்புப் பணிகள் நடைபெற்று வருகின்றன. பல இடங்களுடனான தொடர்பு துண்டிக்கப்பட்டதாக அசோசியேட்டட் பிரஸ் செய்தி நிறுவனத்துக்கு அளித்த பேட்டியில், அதிகாரிகள் தெரிவித்தனர்
மீட்புப் பணிகளில் ஈடுபடுவதற்காக நேபாள ராணுவம் மற்றும் நேபாள காவல்துறை வீரர்கள் குவிக்கப்பட்டுள்ளனர். நிலநடுக்கம் மற்றும் அதன் அதிர்வுகளால் ஏற்பட்ட நிலச்சரிவுகள், மீட்புப் படையினருக்கு சில பாதைகளை அணுக முடியாதபடி தடங்கலை ஏற்படுத்தியுள்ளது
