வடக்கு ரயில்வேயில் நடைபெற உள்ள ரயில் பாதை மேம்பாட்டு பணி காரணமாக ஜனவரி, பிப்ரவரி மாதங்களில் டெல்லி செல்லும் ரயில்கள் ரத்து செய்யப்படுவதாக அறிவிக்கபப்ட்டு உள்ளது.
இந்திய ரெயில்வே நெட்வொர்க் உலகிலேயே பெரிய ரயில் நெட்வொர்க்கில் முக்கியமானது. பல கோடி பேர் தினமும் ரயில் பயணம் செய்கிறார்கள்.
இந்த நிலையில், வடக்கு ரயில்வேயின் ஆக்ரா கோட்டத்தில் உள்ள மதுரா ரயில் நிலையம் மற்றும் மதுரா - பல்வால் ரயில் நிலைய பிரிவில் ரயில் பாதை மற்றும் சைகை (Signal) மேம்பாட்டு பணிகள் நடைபெற இருக்கிறது.
இதனால் வருகிற ஜனவரி, பிப்ரவரி மாதங்களில் தென் மாவட்டங்களில் இருந்து டெல்லி செல்லும் ரயில்கள் முழுமையாக ரத்து செய்யப்படுகிறது.
அதன்படி ஜனவரி 10, 12, 17, 19, 24, 26, 31 பிப்ரவரி 2 ஆகிய நாட்களில் கன்னியாகுமரியில் இருந்து புறப்பட இருந்த கன்னியாகுமரி - டெல்லி நிஜாமுதீன் திருக்குறள் எக்ஸ்பிரஸ் (12641), ரயிலானது ரத்து செய்யப்படுவதாக அறிவிக்கப்பட்டு உள்ளது
ஜனவரி 14, 16, 21, 23, 28, 30 பிப்ரவரி 4 ஆகிய நாட்களில் மதுரையில் இருந்து புறப்பட வேண்டிய மதுரை - டெல்லி நிஜாமுதீன் எக்ஸ்பிரஸ் (12651) ரயிலும் ரத்து செய்யப்படுகிறது.
ஜனவரி 10, 14, 17, 21, 24, 28, 31 ஆகிய நாட்களில் மதுரையில் இருந்து புறப்பட வேண்டிய மதுரை - சண்டிகர் எக்ஸ்பிரஸ் (12687), ஜனவரி 8,15, 22, 29 ஆகிய நாட்களில் திருநெல்வேலியில் இருந்து புறப்பட வேண்டிய திருநெல்வேலி - ஸ்ரீ வைஷ்ண தேவி கட்ரா எக்ஸ்பிரஸ் (16787) ஆகியவை முழுமையாக ரத்து செய்யப்படுகிறது.
மறுமார்க்கத்தில் ஜனவரி 13, 15, 20, 22, 27, 29, பிப்ரவரி 3, 5 ஆகிய நாட்களில் டெல்லியில் இருந்து புறப்பட வேண்டிய டெல்லி நிஜாமுதீன் - கன்னியாகுமரி திருக்குறள் எக்ஸ்பிரஸ் (12642) ரத்து செய்யப்படுகிறது.
ஜனவரி 16, 18, 23, 25, 30 தேதிகள் மைரும் பிப்ரவரி 1, 6 ஆகிய நாட்களில் டெல்லியில் இருந்து புறப்பட வேண்டிய டெல்லி நிஜாமுதீன் - மதுரை எக்ஸ்பிரஸ் (12652) ரத்து செய்யப்படுகிறது.
ஜனவரி 15, 19, 22, 26, 29, பிப்ரவரி 2, 5 ஆகிய நாட்களில் சண்டிகரில் இருந்து புறப்பட வேண்டிய சண்டிகர் - மதுரை எக்ஸ்பிரஸ் (12688), ஜனவரி 11, 18, 25, பிப்ரவரி 1 ஆகிய நாட்களில் ஸ்ரீ வைஷ்ண தேவி கட்ராவில் இருந்து புறப்பட வேண்டிய ஸ்ரீ வைஷ்ண தேவி கட்ரா - திருநெல்வேலி எக்ஸ்பிரஸ் (16788) ஆகியவை முழுமையாக ரத்து செய்யப்படுகிறது.
ஜனவரி மாதம் பொங்கல் பண்டிகை விடுமுறையில் வட மாநில பயணம் மேற்கொள்ள வேண்டிய பயணிகள் இதனால் பெருமளவு பாதிக்கப்படுவார்கள்.
