தமிழ் அஞ்சல் நாளிதழின் 10 ம் ஆண்டு - "நம் தமிழ்நாடு " சிறப்பு மலர் வெளியீட்டு விழா.! - சிறப்பு விருந்தினராக தமிழ்நாடு மனித உரிமைகள் ஆணைய செயலாளர் கே. விஜயகார்த்திகேயன் IAS பங்கேற்பு.!
சென்னை பதிப்பில் தொடங்கப்பட்டு. 2014-ம் ஆண்டு ஏப்ரல் 14-ல் முதல் நாள், முதல் இதழாக வெளி வந்த தமிழ் அஞ்சல் நாளி தழ், தமிழ் அஞ்சல் குடும்பத்தின் அனைத்து செய்தியாளர்களின் உழைப்பு மற்றும் விளம்பரதாரர்கள், வாசகர்கள் ஆதரவாலும் தொடர்ச்சியாக 10-ம் ஆண்டில் வெற்றிநடை போட்டுக் கொண்டிருக்கிறது. சென்னையில் அச்சேறி தமிழகம் முழுவதும் சென்று தற்கால சமூகத்தில் தவிர்க்க முடியாத ஒரு அங்கமாக இருக்கிறது ‘தமிழ் அஞ்சல்' நாளிதழ்.
பல்வேறு பத்திரிகை ஜாம்பவான்களே அச்சேற்றி தினமும் விநியோகிக்கத் திணறும் இந்த காலகட்ட த்தில் தமிழ்ச்சமூகத்தின் விழிப்புணர்வுக்காக தன் பங்கை தவறாமல் செய்து வருகிறது தமிழ் அஞ்சல் நாளிதழ். உள்ளூர் செய் திகள் முதல் உலகச் செய்திகள் வரையிலான நடப்பு நிகழ்வுகள், விழிப்புணர்வு கட்டுரைகள், வரலாற்று கட்டுரைகள், ஆன்மிக தகவல்கள், பகுத்தறிவு சிந்தனைகள் என பல்வேறு தலைப்புகளிலும் எந்த ஒரு சார்புமின்றி நடுநிலையுடன் செய்திகளை கடந்த 10 ஆண்டுகளாக தமிழகத்தின் தலைநகரான சென்னையை தலைமையிடமாக கொண்டு வெளியிட்டு வருகிறது.
இந்ந வெற்றியினை கொண்டாடும் வகையில் தமிழ் அஞ்சல் நாளிதழின் 10 ம் ஆண்டு விழா மற்றும் "நம் தமிழ்நாடு " சிறப்பு மலர் வெளியீட்டு விழா, சென்னை தி நகரில் அமைந்துள்ள சர்.பி.டி.தியாகராயர் அரங்கில் சிறப்பு விருந்தினர் , மனித உரிமைகள் ஆணைய செயலாளர்'இளைஞர்களின் இன்ஸ்பிரேஷன்' டாக்டர்.கே. விஜயகார்த்திகேயன் IAS தலைமையில் நடைபெற்றது.
நிகழ்ச்சியின் துவக்கமாக லயோலா கல்லூரியில் பயிலும் மாணவர்களின் கலை இலக்கியப் பிரிவு மற்றும் மாற்று ஊடக மைய மாணவர்கள் AMC குழுவினரின்பறை இசை நாட்டுப்புறக் கலை நிகழ்ச்சி தொடங்கியது.
தொடர்ந்து நாமக்கல் நவோதயா அகாடமி சார்பில் நடைபெற்ற கலை நிகழ்ச்சியில் சிறுமிகள் பங்கேற்று நடனமாடினர்.
நிகழ்வில் பேசிய சிறப்பு விருந்தினர் விஜயகார்த்திகேயன் IAS ,தான் இந்திய ஆட்சிப் பணியில் வெற்றியடைந்த தனது வாழ்க்கை நிகழ்வை சிறுகதையாக சிறப்பாக எடுத்துரைத்தார்.
முன்னதாக தமிழ் அஞ்சல் 10ம் ஆண்டு சிறப்பு மலரான 'நம் தமிழ்நாடு மலரை வெளியிட்டு சாதனையாளர்களுக்கு விருதினை சிறப்பு விருந்தினர் விஜயகார்த்திகேயன் IAS வழங்கி கெளரவித்தார்.
இந்த நிகழ்வில் சின்னத்திரை நடிகர் அருண் சிறப்பு பங்கேற்பாளராக கலந்து கொண்டு சிறப்பித்தார். திருப்பூர் இந்திரா சுந்தரம் தொண்டு அறக்கட்டளை நிறுவனர் இந்திரா சுந்த ரம் ஏற்புரை ஆற்றினார். மேலும் இந்த விழாவில் இந்நாள் முன்னாள் அமை ச்சர்கள், எம்.எல்.ஏ.,க்கள், உள்ளாட்சி பிரதிநிதிகள், அரசியல் கட்சி நிர்வாகி கள், சமூக ஆர்வலர்கள், இலக்கியவாதிகள், தமிழ் ஆர்வலர்கள், தொழில் துறையினர் உள்ளிட்ட பல்வேறு அமைப்புகளை சேர்ந்தவர்கள் பங்கேற்று வாழ்த்தி பேசினர்.
முன்னதாக செய்தி ஆசிரியர் மைதிலி வரவேற்று பேசினார். சிறப்பு ஆசிரியர் தட்சிணாமூர்த்தி, வெளியீட்டாளர் மணிக ண்டன் ஆகியோர் விளக்கவுரையாற்றினர். விழா முடிவில் நிர்வா ஆசிரியர் மாரிச்சாமி, மேற்கு மண்டல செய்தி யாளர் நாராயணசாமி நன்றியுரை நிகழ்த்தினர். இந்த விழாவிற்கு தமிழ் அஞ்சல் நாளிதழ் வெளியீ ட்டாளர், ஆசிரியர் மற்றும் செய்தியாளர்கள் சார்பில் அனைவரும் பங்கேற்ற்று சிறப்பித்தனர்.
