கிழக்கு ரயில்வேயில் புவனேஸ்வர் - மஞ்சேஸ்வர் மற்றும் ஹரிதாஸ்பூர் - தன்மண்டல் ரயில் நிலையங்களுக்கு இடையே 3 வது ரயில் பாதையை அமைப்பதற்கான பொறியியல் பணிகள் நடைபெறுகிறது. இதை கருத்தில் கொண்டு, அந்த வழியாக செல்லக் கூடிய சில்ச்சார் கோவை ரயில் சேவைகள் 2 நாட்கள் ரத்து செய்யப்பட்டுள்ளன.
சில்சார் - கோயம்புத்தூர் - சில்சார் (சேலம், ஈரோடு, திருப்பூர் வழியாக) செல்லக்கூடிய
ரயில் எண்.12516 சில்சார் - கோயம்புத்தூர் வாராந்திர சிறப்பு ரயில், 15 மற்றும் 22 ஆகஸ்ட், 2023 ஆகிய தேதிகளில் சில்சாரில் இருந்து புறப்பட்டு முறையே 18 மற்றும் 25 ஆகஸ்ட், 2023 அன்று மதியம் 12.00 மணிக்கு கோயம்புத்தூரை சென்றடையும், இந்த ரயில் முழுமையாக ரத்து செய்யப்பட்டுள்ளது.
இதே போல, ரயில் எண்.12515 கோயம்புத்தூர் - சில்சார் வாராந்திர சிறப்பு ரயில், ஆகஸ்ட் 20 மற்றும் 27 தேதிகளில் 21.45 மணிக்கு கோயம்புத்தூரில் இருந்து புறப்பட்டு, முறையே 23 மற்றும் 30 ஆகஸ்ட், 2023 அன்று 15.35 மணிக்கு சில்சார் சென்றடையும், இந்த ரயிலும் முழுமையாக ரத்து செய்யப்பட்டுள்ளது.
இந்த தகவலை ரயில்வே நிர்வாகம் தெரிவித்துள்ளது.
