ஈரோடு மாவட்டம், கோபிசெட்டிபாளையம், கோபி கலை, அறிவியல் கல்லூரியில் நான் முதல்வன் உயர்வுக்கு படி என்ற திட்டத்தின் கீழ், பள்ளி மாணவ, மாணவியர்களுக்கான உயர்கல்வி வழிகாட்டும் சிறப்பு நிகழ்ச்சி மற்றும் சேர்க்கை முகாமினை மாவட்ட ஆட்சித் தலைவர் திரு.ராஜ கோபால் சுன்கரா இ.ஆ.ப., அவர்கள் தொடங்கி வைத்து, பேசினார்.
மாண்புமிகு தமிழ்நாடு முதலமைச்சர் அவர்களின் ஆணைக்கிணங்க நான் முதல்வன் திட்டத்தின் கீழ் "உயர்வுக்கு படி" என்ற நிகழ்ச்சியானது ,ஈரோடு மாவட்டம், கோபிசெட்டிபாளையம், கோபி கலை, அறிவியல் கல்லூரியில் நடைபெற்று வருகிறது. உயர்கல்வியினை தேர்வு செய்யாத மாணவர்களுக்கு உயர்கல்விக்கான வழிகாட்டுதல்கள், உயர்கல்வி நிறுவனங்களில் உடனடி சேர்க்கை இந்நிகழ்ச்சின் வாயிலாக மாணவர்களுக்கு வழங்கப்பட உள்ளது. இதில் அரசினர் தொழிற்பயிற்சி நிலையங்கள், பாலிடெக்னிக் கல்லூரிகள், பொறியியல் கலை மற்றும் அறிவியல் கல்லூரிகள் ஆகியவை கலந்து கொண்டு குறுகிய கால திறன் பயிற்சிகள், தொழிற்பயிற்சி, தொழில் பழகுநர்ப் பயிற்சி, இளங்கலை பட்டப்படிப்பு பொறியியல் மற்றும் பாலிடெக்னிக் படிப்புகள் ஆகியவை குறித்து மாணவர்களுக்கு எடுத்துரைக்கப்பட்டு, ஆக இவ்விடத்திலேயே சேர்க்கை ஆணை வழங்கப்படவுள்ளது. மேலும் இதில் கலந்து கொள்ளும் அனைத்து மாணவ, மாணவியிர்களுக்கும் ஏதேனும் ஒரு துறையில் பயனடையும் வகையில், மாவட்ட முன்னோடி வங்கி, மாவட்ட பிற்படுத்தப்பட்டோர் நல அலுவலகம், மாவட்ட ஆதிதிராவிடர் நல அலுவலகம், வருவாய் வட்டாட்சியர் அலுவலகம், மகளிர் திட்டம், மாவட்ட மாற்றுத்திறனாளிகள் நல அலுவலகம், மாவட்ட திறன் பயிற்சி அலுவலகம் ஆகிய துறை சார்ந்த அரங்குகள் அமைக்கப்பட்டு, வங்கி கடனுதவி ஆலோசனைகள், சாதி சான்றிதழ்கள் இவ்விடத்திலேயே வழங்கப்படவுள்ளது. மேலும் சிறந்த வல்லுநர்கள் வாயிலாக உயர்கல்வி குறித்த ஆலோசனைகள் மற்றும் உயர் கல்வி குறித்த கையேடுகள் மாணவ, மாணவியர்களுக்கு வழங்கப்பட்டுள்ளது.தொடர்ந்து நான் முதல்வன் உயர்வுக்கு படி என்ற திட்டத்தின் கீழ், பள்ளி மாணவ, மாணவியர்களுக்கான உயர்கல்வி வழிகாட்டும் சிறப்பு நிகழ்ச்சி மற்றும் சேர்க்கை முகாமில் பங்கேற்ற மாணவ, மாணவியர்களில் 31 மாணவ, மாணவியர்களுக்கு உயர்கல்வி பயில்வதற்கான கல்லூரி சேர்க்கை மற்றும் 110 மாணவ, மாணவியர்கள் கலந்தாய்வில் கலந்து கொண்டும் பயன்பெற்றனர்.
இந்நிகழ்வின்போது, உதவி இயக்குநர் (வேலைவாய்ப்பு) திருமதி.ராதிகா, கோபிசெட்டிபாளையம் வருவாய் கோட்டாட்சியர் செல்வி.பிரியதர்ஷினி,
உதவி இயக்குநர் (மாவட்ட தொழில்பயிற்சி நிறுவனம்) திரு.ஜெயகுமார், மாவட்ட வேலைவாய்ப்பு அலுவலர் திருமதி.ஜோதி, மாவட்ட முதன்மை கல்வி அலுவலர் திரு.குழந்தைராஜன், மாவட்ட சமூக நல அலுவலர் திருமதி.சண்முகவடிவு, மாவட்ட முன்னோடி வங்கி மேலாளர் திரு.ஆனந்தகுமார், மாவட்ட குழந்தைகள் நல அலுவலர் திரு.சரவணன், முதல்வர் தொழில்பயிற்சி மையம், கோபி, உதவி திட்ட அலுவலர் (ஒருங்கிணைந்த பள்ளிக்கல்வி), உயர்கல்வி வழிகாட்டுநர் (பாரதியார் பல்கலைக்கழகம்) திருமதி.பவதாரணி உட்பட தொடர்புடைய அலுவலர்கள் கலந்து கொண்டனர்.
செய்தியாளர். எம்.மாரிச்சாமி- 9080602161
