சேலம், தியாகராஜர் பாலிடெக்னிக் கல்லூரியில் முதலாமாண்டு மாணவர்களுக்கான 66-வது Freshers’ Day, 06 ஜூலை 2023, வியாழக்கிழமை, காலை 10.30 மணியளவில் மிகச்சிறப்பாக ஸ்ரீ வள்ளியப்பா கலை அரங்கத்தில் நடைபெற்றது. இவ்விழாவில், திரு.R.ராஜேஷ், Head – International Operation & Senior Vice President Defence and Power Solution Business Ashok Leyland, Chennai மற்றும் திரு.BC.தத்தா, Vice President – Corporate Affairs, OLA Electric, Bangalore ஆகியோர் தலைமை விருந்தினராக கலந்து கொண்டனர். முதலாமாண்டு மாணவ, மாணவிகள், பெற்றோர்கள் மற்றும் ஆசிரியர்கள் குத்து விளக்கேற்றி விழாவை தொடங்கி வைத்தனர்.கல்லூரியின் முதல்வர் Dr. V.கார்த்திகேயன் அவர்கள் தமது உரையில் TPT யில் உலகத்தரத்தில் பாடத்திட்டங்கள் (Syllabus) உருவாக்கப்பட்டு அதன் மூலம் தொழில் நிறுவனங்களுக்கு தேவையான (Industry ready) Skills Certification Courses கற்பிக்கபட்டு மாணவர்களை தொழில் நிறுவனங்களுக்கு ஏற்றவாறு உருவாக்குகிறது என்றும் NIRF Innovation Ranking 2023-ல் 151-300 தரப்பட்டியலில் இடம் பெற்ற ஒரே பாலிடெக்னிக் கல்லூரி தியாகராஜர் பாலிடெக்னிக் கல்லூரி என்று பெருமையுடன் நினைவு கூர்ந்தார். மேலும் மாணவர்களின் கல்வி தடையின்றி தொடர பலவேறு கல்வி உதவித்தொகைகளை மத்திய மாநில மற்றும் தொழில் நிறுவனங்களில் மூலமாக பெற்று தருவதில் மிகச்சிறந்த முன்னோடியாக திகழ்ந்து அதன் முத்தாய்ப்பாக 2023 – 2024 ஆம் கல்வி ஆண்டில் 147 இரண்டாம் மற்றும் மூன்றாம் ஆண்டு மாணவிகளுக்கு ரூபாய் 73.5 லட்சம் AICTE பிரகதி கல்வி உதவித்தொகையினை பெற்றுத் தந்துள்ளதாக தெரிவித்தார். மேலும் கடந்த வருடம் கேமரூன், அசோக் லைலாண்ட், ஓலா எலக்ட்ரிக், டாட்டா ப்ராஜக்ட், டைட்டன்,விப்ரோ, இன்போசிஸ் போன்ற 112 முன்னணி நிறுவனங்களில் 460 மாணவ, மாணவிகள் பணியில் சேர்ந்துள்ளனர் என்று தெரிவித்தார். இத்தகு வாய்ப்புகளை அள்ளித்தரும் தியாகராஜர் பாலிடெக்னிக் கல்லூரியில் சேர்ந்து பயில வந்திருக்கும் முதலாமாண்டு மாணவர்கள் அனைவரும் இக்கல்லூரியின் வைரங்களாக மிளிருவார்கள் என்று கூறினார்.கல்லூரியின் தலைவர் திரு.சொ.வள்ளியப்பா அவர்கள் தனது தலைமையுரையில், தென்னிந்தியாவிலேயே தொழிற்கல்வியில் பெண்களுக்கு முதன்முதலாக 1976-ல் சேர்க்கை வழங்கி பெண் கல்விச்சேவையில் முன்னோடியாக தியாகராஜர் பாலிடெக்னிக் கல்லூரி திகழ்கிறது என்று கூறினார். மேலும் இக்கல்லூரியில் பயின்ற 18 மாணவ மாணவியருக்கு Ashok Leyland நிறுவனத்தில் இன்று பணி நியமனத்துக்கான Placement offer letters வழங்கப்பட்டுள்ளது என்பதை பெருமையுடன் குறிப்பிட்டார். புதிதாக சேர்ந்த முதலாமாண்டு மாணவர்கள் இக்கல்லூரியிலுள்ள நவீனதொழில்நுட்ப வசதிகளை சிறப்பாகப் பயன்படுத்தி, கல்லூரிக்கும், பெற்றோருக்கும் நற்பெயரை பெற்றுத் தந்து தங்கள் வாழ்வில் ஒளி வீசி வளர்ந்திட வேண்டும் என்று வாழ்த்தினார்.கல்லூரியின் துணைத்தலைவர் திரு சொக்கு வள்ளியப்பா அவர்கள் வளர்ந்து வரும் தொழில்நுட்பங்களை மாணவர்கள் தங்கள் படிப்பினில் பயன்படுத்தியும் அயல் நாட்டு மொழிகளை குறிப்பாக Japanese மொழியை கற்றுக்கொண்டு அதனால் ஜப்பானில் கிடைக்கப்பெறும் வேலை வாய்ப்புகளை பயன்படுத்திக் கொண்டு வாழ்வில் மேன்மை பெற வேண்டும் என்று கூறினார்.கல்லூரியின் துணைத்தலைவர் திரு.தியாகு வள்ளியப்பா அவர்கள், மாணவர்கள் தொழில் நிறுவனங்களில் நிலவும் சிக்கல்களுக்கு தீர்வு காணக்கூடிய ப்ராஜெக்ட்ஸ் (Projects) செய்ய வேண்டும் என்றும், Start-up Activities மூலமாக இளம்தொழில் முனைவோர்களாக முயற்சி செய்ய வேண்டும் என்றும் கூறினார்.தலைமை விருந்தினரான திரு.R.ராஜேஷ் அவர்கள், இக்கல்லூரியின் மிகச் சிறந்த கட்டமைப்பு மற்றும் புதுமையான கற்பித்தல் முறைகள் குறித்து பாராட்டினார். மேலும், மாணவ, மாணவியர் தற்போதுள்ள நவீன தொழில்நுட்ப வளர்ச்சிக்கேற்ப தங்களது தொழில்நுட்பம் மற்றும் மென் திறன்களை வளர்த்துக் கொள்வதோடு, தங்களது படைப்பாற்றலை மேம்படுத்தி, பல புதுமையான கண்டுபிடிப்புகளை உருவாக்க வேண்டும் என்றும் ஊக்கப்படுத்தினார். இக்கல்லூரியில் பயிலும் காலத்தில் மாணவர்கள் தங்களது வாய்ப்புகளை சிறப்பாகப் பயன்படுத்தி, வாழ்வில் வெற்றி பெற வாழ்த்துகளை தெரிவித்துக் கொண்டார்.தலைமை விருந்தினர், திரு.BC.தத்தா அவர்கள் தனது உரையில், கடின உழைப்பும், அறம் சார்ந்த வாழ்வும் ஒவ்வொரு வரையும் வாழ்க்கையின் உயரியநிலையை அடையச் செய்கிறது என்றும், மாணவர்கள் தங்கள் கல்லூரியில் வளர்த்துக்கொண்ட அறிவையும், திறமைகளையும் தொடந்து புதுப்பித்துக்கொண்டே இருக்கவேண்டும் என்றும், எவர் ஒருவர் தனது வாழ்நாள் முழுக்க கற்றலில் ஈடுபாடு கொள்கிறார்களோ அவர்கள் வாழ்க்கையில் மிகப்பெரிய வெற்றியடைய முடியும் என்றும் மாணாக்கர்களுக்கு அறிவுரை கூறிவாழ்த்தினார்.தியாகராஜர் பாலிடெக்னிக் கல்லூரி இந்திய அளவில் NIRF Innovation Ranking 2023-ல் இடம் பெற்றமைக்கு மற்றும் TPT Center for Civil Testing and Constancy சர்வதேச NABL தரச்சான்று பெற்றமைக்கு கல்லூரியின் முதல்வர் Dr.V.கார்த்திகேயன், துறைத்தலைவர்கள் மற்றும் ஆசிரியர்களை கல்லூரியின் தலைவர் திரு.சொ.வள்ளியப்பா அவர்களும் துணைத்தலைவர்கள் திரு சொக்கு வள்ளியப்பா மற்றும் திரு தியாகு வள்ளியப்பா அவர்களும் பாராட்டினார்கள்.
சேலம் மாவட்ட செய்தியாளர் சதீஷ்குமார்
