தமிழ்நாடு முழுவதும் கோடை விடுமுறை முடிந்து பள்ளிகள் திறக்கப்பட்டு உள்ளன. பல்வேறு ஊர்களில் பள்ளிக்கு வந்த மாணவர்களுக்கு வரவேற்பு அளிக்கப்பட்டது. இதில் திருப்பூர் மாநகராட்சி 42வது வார்டுக்கு உட்பட்ட பாரப்பாளையம் மாநகராட்சிப் பள்ளியில் விடுமுறை முடிந்து முதல் நாள் வகுப்பிற்கு வருகை தந்த மாணவ மாணவிகளுக்கு ஒரு இன்ப அதிர்ச்சி காத்திருந்தது.
திருப்பூர் மாநகராட்சியின் எதிர்க்கட்சிக்குழு தலைவரும், 42 வது வார்டு கவுன்சிலருமான அன்பகம் திருப்பதி தலைமையில் பள்ளிக்கு வந்த மாணவ மாணவிகளுக்கு மாலை அணிவித்து வரவேற்றனர். மேலும் பள்ளி மாணவர்களுக்கு பூங்கொத்து, இனிப்புகளும் வழங்கப்பட்டது.
பள்ளி தலைமை ஆசிரியர் அருணா, பெற்றோர் ஆசிரியர் சங்கத் தலைவர் ஆட்டோ கோவிந்தராஜ், அரிமா சுரேஷ், அரிமா பிரகாஷ், போதியப்பன் உள்ளிட்டோர் இந்த நிகழ்வில் பங்கேற்றனர்.
விடுமுறை முடிந்து பள்ளிக்கு வந்த மாணவ -மாணவிகளை மாலைமரியாதையுடன் தடபுடலாக வரவேற்றது, மகிழ்ச்சியை ஏற்படுத்தியது.
