திருப்பூர் தெற்கு குறுமைய அளவிலான மாணவர்கள் கூடைப்பந்து போட்டிகள்
இக்கல்வியாண்டிற்கான திருப்பூர் கல்வி மாவட்டத்திற்குட்பட்ட திருப்பூர் தெற்கு குறுமைய அளவிலான விளையாட்டுப்போட்டிகளை அரசு ஆதி திராவிடர் நல உயர்நிலைப்பள்ளி நடத்துகிறது.
மாணவர்கள் 14, 17 & 19 வயதிற்குட்பட்டோர்களுக்கான கூடைப்பந்து போட்டிகள் ராக்கியாபாளையம், செஞ்சுரி பவுண்டேசன் பள்ளியில் நடைபெற்றது. பகுதிநேர உடற்கல்வி ஆசிரியர் ராமகிருஷ்ணன் வரவேற்றார். செஞ்சுரி பள்ளியின் முதல்வர் ஹெப்சிபா பால், திருப்பூர் மாவட்ட கூடைப்பந்துகழக பொருளாளர் கிரீஷ் ஆகியோர் போட்டிகளை துவக்கி வைத்தனர்.
14 வயதுக்குட்பட்டோர் பிரிவில் 2 அணிகள் பங்கேற்றன. லிட்டில் ஃபிளவர் பள்ளி அணி 25 : 02 என்ற புள்ளிகள் வித்தியாசத்தில் செஞ்சுரி பவுண்டேசன் பள்ளி அணியை வென்றது.
17 வயதிறகுட்பட்டோர் பிரிவில் 1 அணி மட்டுமே பதிவு செய்ததால், லிட்டில் பிளவர் பள்ளி அணி நேரடியாக மாவட்ட போட்டிகளுக்கு தகுதிபெற்றது.
19 வயதிற்குட்பட்டோர் பிரிவில் 4 அணிகள் கலந்துகொண்டன. இறுதிப்போட்டியில் செஞ்சுரி பவுண்டேசன் பள்ளி அணி 59 : 06 என்ற புள்ளிகள் வித்தியாசத்தில் பிரண்ட்லைன் அகாடமி பள்ளி அணியை வென்றது.
குறுமைய இணைச்செயலர் மாணிக்கவாசகம் தலைமையில், நடுவர்களாக சதீஸ்குமார், மெளலிதரன், பாண்டீஸ்வரன், கோகுல்கிருஷ்ணா, கார்த்திகேயன் ஆகியோர் செயல்பட்டனர்.
