தூத்துக்குடி மாவட்டம் சாத்தான்குளம் பகுதியில் உள்ள தமிழ்நாடு மின் உற்பத்தி மற்றும் விநியோக நிறுவனத்தில் கடந்த 26.07.2022 அன்று காப்பர் வயர்கள் மற்றும் காப்பர் கோர்கள் காணாமல் போயுள்ளது.
இதுகுறித்து மேற்படி நிறுவனத்தின் இளநிலை பொறியாளர் எட்வர்ட் ஜெயபாலன் அளித்த புகாரின் பேரில் சாத்தான்குளம் காவல் நிலைய ஆய்வாளர் பாஸ்கரன் வழக்குபதிவு செய்து விசாரணை மேற்கொண்டதில்,
தூத்துக்குடி, புதியம்புத்தூர் நீராவி மேற்கு தெருவை சேர்ந்த முருகன் மகன் பரமசிவன் (30) என்பவர் மேற்படி நிறுவனத்தில் காப்பர் வயர்களை திருடியது தெரியவந்தது.
இதனையடுத்து சாத்தான்குளம் காவல் நிலைய போலீசார் மேற்படி எதிரி பரமசிவனை கைது செய்து அவரிடமிருந்த ரூ3,50,000/- மதிப்புள்ள 126 கிலோ காப்பர் வயர் மற்றும் ரூபாய் 8,000/- மதிப்புள்ள காப்பர் கோர்களை பறிமுதல் செய்தனர்
மேலும் இதுகுறித்து சாத்தான்குளம் போலீசார் விசாரணை மேற்கொண்டு வருகின்றனர்.
