ஆண்டிபட்டி ,மே.3 -
தேனி மாவட்டம் ஆண்டிபட்டி ஒன்றியம் பிராதுகாரன் பட்டியில் உள்ள அருள்மிகு மந்தையம்மன் கோவில் மகா கும்பாபிஷேகம் சிறப்பாக நடைபெற்றது..
விழாவை முன்னிட்டு கடந்த இரண்டு நாட்களாக யாகசாலை பூஜை செய்யப்பட்டு, கணபதி ஹோமம், வாஸ்து சாந்தி, யாகசாலை பிரவேசம் முடிவடைந்து , பூர்ணாகுதி நிகழ்ச்சிகள் நடந்தது .
இதனையடுத்து இன்று காலை யாத்ரா தானம்,கடம் புறப்பாடாகி கோவிலின் விமானக் கலசத்திற்கு பல்வேறு புண்ணிய ஸ்தலங்கள் இருந்து கொண்டுவரப்பட்ட பூஜிக்கப்பட்ட புனித நீர் ஊற்றப்பட்டு கும்பாபிஷேக நிகழ்வு நடந்தது.
இதனையடுத்து மூலவர் மந்தை அம்மனுக்கு பால் ,பழம் , நெய், பஞ்சாமிர்தம், தேன் உள்ளிட்ட 21 வகையான அபிஷேக ஆராதனைகள் நடந்தது.
இதனையடுத்து மகா தீபாராதனை காட்டப்பட்டது, பொதுமக்கள் மீது புனித நீர் தெளிக்கப்பட்டது.பக்தர்கள் பயபக்தியுடன் கும்பாபிஷேகத்தையும்,மகா அபிஷேகத்தையும் கண்டுகளித்தனர். இதன் பிறகு அன்னதான நிகழ்ச்சி நடைபெற்றது .
நிகழ்ச்சி ஏற்பாடுகளை விழாக் குழுவினரும், மற்றும் இளைஞர்கள் மற்றும் பொதுமக்களும் ஏற்பாடு செய்து இருந்தனர்.
ரா.சிவபாலன் தேனி மாவட்ட செய்தியாளர்
