இந்தியாவில் சிறுபான்மையினரை 'மோசமாக நடத்துவது' குறித்து அமெரிக்க பிரதிநிதிகள் சபையில் உறுப்பினர் தீர்மானத்தை அறிமுகப்படுத்தினார்.
அமெரிக்க காங்கிரஸ் உறுப்பினர் இல்ஹான் ஓமர் செவ்வாயன்று , இந்தியாவில் மனித உரிமை மீறல்கள் மற்றும் முஸ்லிம்கள், கிறிஸ்தவர்கள், சீக்கியர்கள், தலித்துகள், ஆதிவாசிகள் மற்றும் பிற மத மற்றும் கலாச்சார சிறுபான்மையினரை குறிவைத்து நடத்தப்படும் மனித உரிமை மீறல்களை விமர்சித்து ஒரு தீர்மானத்தை பிரதிநிதிகள் சபையில் அறிமுகப்படுத்தினார்.
காங்கிரஸ் உறுப்பினர் ரஷிதா தாலிப், காங்கிரஸ் உறுப்பினர் ஜுவான் வர்காஸ் மற்றும் காங்கிரஸ் உறுப்பினர் ஜிம் மெக்கோவர்ன் ஆகியோர் இணைந்து வழங்கிய தீர்மானம், மனித உரிமைகள் சாதனை காரணமாக இந்தியாவை "குறிப்பிட்ட அக்கறை கொண்ட நாடாக" (country of particular concern) அறிவிக்க அமெரிக்க வெளியுறவுத்துறை அமைச்சரை வலியுறுத்தியது.
காங்கிரசுக்கு தேர்ந்தெடுக்கப்பட்ட முதல் முஸ்லீம் பெண்களில் ஒருவரான ஓமர், "இந்தியாவில் மத சிறுபான்மையினரை மோசமாக நடத்துவது குறித்து தீவிர கவலை" தெரிவித்தார்.
சர்வதேச மத சுதந்திரத்திற்கான அமெரிக்க ஆணையமும், தொடர்ந்து மூன்று ஆண்டுகளாக இந்தியாவை "குறிப்பிட்ட அக்கறை கொண்ட நாடாக" (country of particular concern) அறிவிக்குமாறு ஜோ பிடன் அரசாங்கத்திற்கு பரிந்துரைத்துள்ளதாக தீர்மானம் குறிப்பிட்டுள்ளது.
அமெரிக்கக் குழுவின் 2022 ஆண்டு அறிக்கையை மேற்கோள் காட்டி , தீர்மானம் கூறுவதாவது, “[இந்திய] அரசாங்கம் ஏற்கனவே உள்ள மற்றும் புதிய சட்டங்கள் மற்றும் கட்டமைப்பு மாற்றங்களின் மூலம் தேசிய மற்றும் மாநில அளவில் நாட்டின் மத சிறுபான்மையினரை ஒடுக்கும் நோக்கத்தில் ஒரு இந்து தேசத்தின் சித்தாந்த பார்வையை அமைப்புமுறைப்படுத்தியது" என குறிப்பிட்டுள்ளது.
சட்டவிரோத நடவடிக்கைகள் (தடுப்பு) சட்டம் மற்றும் இந்தியாவின் தேசத்துரோகச் சட்டம் போன்ற சட்டங்களின் கீழ் துன்புறுத்தல், விசாரணை, தடுப்புக்காவல் மற்றும் வழக்குத் தொடருவதன் மூலம் விமர்சனக் குரல்கள் ஒடுக்கப்பட்டதாக அறிக்கை கூறுகிறது என்று தீர்மானம் எடுத்துக்காட்டுகிறது .
.jpg)
