பீகாரில் அதிகரிக்கும் சட்ட விரோத மருத்துவமனைகள்.! - விளக்கமளிக்க கோரி மத்திய சுகாதார அமைச்சகம் மற்றும் பீகார் அரசுக்கு, தேசிய மனித உரிமை ஆணையம் நோட்டீஸ்.

பீகாரில் உள்ள முங்கர் மாவட்டத்தில் அதிக எண்ணிக்கையிலான மருத்துவமனைகள், கிளினிக்குகள் மற்றும் நர்சிங் ஹோம்கள் சட்டவிரோதமாக நடத்தப்படுவதாக ஊடக அறிக்கையின் அடிப்படையில் தலைமைச் செயலகம், பீகார் அரசு, செயலகம், மத்திய சுகாதார அமைச்சகம் மற்றும் தேசிய மருத்துவ ஆணையத் தலைவர் ஆகியோருக்கு தேசிய மனித உரிமை ஆணையம் நோட்டீஸ் அனுப்பியுள்ளது

மேலும், இப்பகுதியில் உள்ள சட்டவிரோத மருத்துவ நிறுவனங்களுக்கு எதிராக எடுக்கப்பட்ட நடவடிக்கைகள் குறித்து நான்கு வாரங்களுக்குள் விரிவான அறிக்கைகளை அனுப்ப  ஆணையம் உத்தரவிட்டுள்ளது.

கடந்த வருடம் பீகாரில் மதுபானி மாவட்டத்தின் பெனிபட்டியில் பத்திரிகையாளரும் , தகவல் அறியும் உரிமைச் செயல்பாட்டாளருமான புத்திநாத் ஜா என்ற அவினாஷ் ஜா, காளான்களாகப் பெருகும் தனியார் முதியோர் இல்லங்கள் மற்றும் கிளினிக்குகளை அம்பலப்படுத்திய பின் கடத்தப்பட்டு கொலை செய்யப்பட்டார்.

இதனையடுத்து அவரது பகுதியில் சட்டவிரோதமாக இயங்குவதாக கூறி 5,433 நிறுவனங்களுக்கு நோட்டீஸ் அனுப்பப்பட்டது குறிப்பிடத்தக்கது.