விக்ரம் படம் ஜூன் 3ம் தேதி ரிலீசாவதையொட்டி ரஜினியை சந்தித்து வாழ்த்து பெற்றார் நடிகர் கமல்ஹாசன்.
கமல், லோகேஷ் கனகராஜ் கூட்டணியில் உருவாகியுள்ள விக்ரம் திரைப்படம் ஜூன் 3ம் தேதி திரைக்கு வருகிறது. இதையொட்டி, படத்தின் புரொமோஷன் பணிகளில் படக்குழுவினர் ஈடுபட்டு வருகின்றனர்.
தற்போது வரை விக்ரம் படத்திலிருந்து டைட்டில் டீசர், கிளிம்ஸ், ட்ரெய்லர், 2 லிரிக்கல் வீடியோ பாடல்கள் உள்ளிட்டவை வெளியிடப்பட்டுள்ளன. இவை அனைத்தும் ரசிகர்களிடையே நல்ல வரவேற்பைப் பெற்றுள்ளன.
இந்நிலையில் தனது நண்பர் ரஜினியை சந்தித்து வாழ்த்து பெற்றார் நடிகர் கமல்ஹாசன். அவருடன் இயக்குனர் லோகேஷ் கனகராஜும் ரஜினியை சந்தித்து வாழ்த்து பெற்றார். இச்சமயம் விக்ரம் படத்தின் பிரத்யேக திரையிடலை காண இருவரும் ரஜினிக்கு அழைப்பு விடுத்தனர்.
