ஈரோடு மாவட்டம் தாளவாடி அடுத்த சிக்ககாஜனூர் கிராமத்தை சேர்ந்தவர் ரஞ்சிதா(26). இவர் தன்னுடைய தோட்டத்தில் விவசாய பணி செய்து கொண்டிருந்தார். அப்போது புதர் மறைவில் மறைந்திருந்த காட்டுப்பன்றி விவசாய பணி செய்து கொண்டிருந்த ரஞ்சிதாவை தாக்கி தூக்கி வீசியது. இதில் அவர் பலத்த காயமடைந்தார்.
இதனை கண்ட அக்கம் பக்கத்தினர் அவரை மீட்டு தாளவாடி அரசு ஆரம்ப சுகாதார நிலையத்தில் அனுமதித்தனர். அவருக்கு தற்போது தீவிர சிகிச்சை அளிக்கப்பட்டு வருகிறது. இது குறித்து தாளவாடி காவல்துறையினர் விசாரணை நடத்தி வருகின்றனர். மேலும் ஊருக்குள் சுற்றித்திரியும் காட்டு பன்றிகள் குழந்தைகளையும், பொது மக்களையும் தாக்கக் கூடிய சூழல் உள்ளதால் வனத்துறையினர் உரிய நடவடிக்கை எடுக்க வேண்டும் என பொதுமக்கள் கோரிக்கை வைத்துள்ளனர்.
