வேலூர் மாவட்டம் கே.வி.குப்பம் அடுத்த லத்தேரி ஊராட்சி அம்பேத்கர் நகர் பகுதியில் சுமார் 500 ற்கும் மேற்பட்ட பொதுமக்கள் வசித்து வருகின்றனர். இந்நிலையில் அப்பகுதி மக்களுக்கு கடந்த 10 ஆண்டுகளுக்கு மேலாக முறையான குடிநீர் சப்ளை இல்லையாம். மேலும் அப்பகுதி மக்களுக்கு நூறு நாள் வேலை கொடுப்பதில் அலட்சியம் காட்டுவதாகவும், தகுதி உள்ள நபர்களுக்கு பணி தரவில்லையயாம். இதுகுறித்து பல முறை ஊராட்சி நிர்வாகத்திடம் புகார் அளித்தும் எந்தவித நடவடிக்கையும் எடுக்கவில்லையாம். இதனால் ஆத்திரமடைந்த அப்பகுதி மக்கள் சுமார் நூற்றுக்கும் மேற்பட்டோர் லத்தேரி ரயில்வே கேட் அருகில், லத்தேரி - திருமணி சாலையில் காரில் வந்துக்கொண்டிருந்த கே.வி.குப்பம் ஒன்றிய குழு தலைவர் ரவிச்சந்திரன், கவுண்சிலர் ஜெயா முருகேசன், ஊராட்சி மன்ற தலைவர் மோகன் உள்ளிட்டோரை முற்றுகையிட்டனர்.
