இந்த தொழில்நுட்ப உலகில் வேலைவாய்ப்பைப் பெறுவதற்காக , கே.எல்.என் . பொறியியல் கல்லூரி மற்றும் தொழில்துறை நிறுவன கூட்டாண்மை பிரிவு மற்றும் தமிழ்நாடு அறிவியல் மற்றும் தொழில்நுட்ப மாநில மன்றம் உடன் இணைந்து , பொறியியல் இறுதியாண்டு மாணவர்களுக்கான " தொழில்துறை தேவைகளுக்கான அறிவியல் மற்றும் தொழில்நுட்ப திறன் மேம்பாடு பயிற்சி என்ற தலைப்பில் 6 நாட்கள் கருத்தரங்கு நடத்தியது . மதுரை , திண்டுக்கல் மற்றும் சிவகங்கை மாவட்டத்தில் உள்ள பல்வேறு பொறியியல் கல்லூரிகளைச் சேர்ந்த 300 மாணவ , மாணவியர் கலந்து கொண்டு பயன் பெற்றனர் . மார்ச் 14ந்தேதி விருந்தினர்களின் குத்து விளக்கு ஏற்றுதலுடன் தொடக்க நிகழ்ச்சி தொடங்கியது . அதன்பின் , ஐஐபிசி தலைமை ஒருங்கிணைப்பாளர் டாக்டர் எஸ்.பார்த்தசாரதி வரவேற்று , நிகழ்ச்சி குறித்து விளக்கினார் . கல்லூரி முதல்வர் டாக்டர்.ஏ.வி.ராம்பிரசாத் நிகழ்ச்சிக்கு தலைமை தாங்கி , நிகழ்ச்சியின் முக்கியத்துவம் குறித்து விளக்கினார் . உதவிப் பேராசிரியர் தங்கசங்கரன் நிகழ்ச்சியைத் தொகுத்து வழங்கினார் .
