கடலூர் மாவட்டம் திட்டக்குடி வட்டம் கழுதூர் -தொண்டங் குறிச்சி நெய்வாசல் காடு செல்லும் ரோட்டின் வழியே புல்லூர்,மேலாதனூர்,ஐவனூர்,திட்டக்குடி செல்லும் வழியாகும் தினந்தோறும் பல வாகனங்கள் செல்கின்றன வழியின் குறுக்கே ஓடை உள்ளது அப்பகுதியைச் சுற்றி சுமார் 60க்கும் மேற்பட்ட குடும்பங்கள் பல ஆண்டு காலமாக வாழ்ந்து வருகிறார்கள். இவர்கள் அப்பகுதியை சுற்றி சுமார் 600 ஏக்கர் விவசாய நிலங்கள் வைத்து விவசாயம் செய்துகொண்டு வாழ்ந்து வருகின்றனர். கழுதூர் -தொண்டங்குறிச்சி நெய்வாசல் செல்லும் பகுதியில் உள்ள ஓடையில் மழைக்காலங்களில் தண்ணீர் நிரம்பி காணப்படும் போது இவர்கள் சாலையை கடக்க முடியாமலும் பள்ளிக்கு செல்லும் குழந்தைகள் பள்ளிக்கு செல்லமுடியாமலும்,அத்தியாவசிய பொருட்கள் வாங்க செல்லமுடியாமலும் போக்குவரத்து பாதிப்பும் அவசர உதவிக்கு மருத்துவமனைக்கும் செல்லமுடியாமல் சிரமப்பட்டு வாழ்ந்து வருகிறார்கள்.
இந்நிலையில் ஓடை பகுதியில் சுமார் ஐந்து ஆண்டுகளுக்கு முன்பு தரைப்பாலம் அமைக்கப்பட்டது தற்போது அப்பாலமானது மிகவும் சேதமடைந்து போக்குவரத்திற்கு லாயக்கற்ற நிலையில் உள்ளன இதனால் அப்பகுதியை சுற்றி உள்ள விவசாயிகள் தங்கள் விளை நிலங்களில் விளையும் நெல், கரும்பு ,மக்காசோளம், கேழ்வரகு, கம்பு ,மரவள்ளி ஆகிய தானியங்களை வெளியில் எடுத்து வருவதற்கு மிகவும் சிரமப்படுகிறோம் என்றும், கால்நடைகள் மற்றும் பள்ளிக்குச் செல்லும் மாணவ மாணவிகள் செல்வதற்கும்,வழியே செல்லும் வாகன ஓட்டிகளும் மிகவும் சிரமம்படுகிறார்கள் என்றும் இதுபற்றி பல முறை அரசு அதிகாரிகள் மற்றும் அரசியல் பிரமுகர்களிடம் மனு அளித்தும் இதுநாள் வரை எந்த ஒரு நடவடிக்கையும் இல்லை என விவசாயிகள் வேதனை தெரிவிக்கின்றனர்.
