தேனி மாவட்டத்தில் பழனிசெட்டிபட்டி பேரூராட்சியில் செய்தி மக்கள் தொடர்புத்துறையின் சார்பில் 75-வது சுதந்திர திருநாள் - அமுதப் பெருவிழா பல்துறை பணி விளக்க கண்காட்சி நிறைவு விழா நேற்று மாவட்ட கலெக்டர் க.வீ.முரளீதரன் தலைமையில் நடைபெற்றது. தமிழக முதலமைச்சர் உத்தரவின்படி 75-வது சுதந்திரவிழாவினை முன்னிட்டு சுதந்திரத்திருநாள் - அமுதப்பெருவிழா தமிழகம் முழுவதும் அனைத்து அரசுத்துறைகளின் சார்பில் பல்வேறு நிகழ்ச்சிகளின் வாயிலாக கொண்டாடப்பட்டு வருகிறது. அதனடிப்படையில் செய்தி மக்கள் தொடர்புத்துறையின் சார்பில் தேனி மாவட்டத்தில் 75-வது சுதந்திரவிழாவினை முன்னிட்டு பல்துறை பணிவிளக்க கண்காட்சி நடத்தப்பட்டது. இக்கண்காட்சியில் இந்திய விடுதலைக்காக பாடுபட்ட தேசத் தலைவர்களை போற்றும் வகையில் விடுதலைப் போரில் தமிழகம் என்ற தலைப்பில் சுதந்திரப் போராட்ட வீரர்கள் குறித்த அறிந்த அறியப்படாத வீரர்கள் புகைப்படங்கள் மற்றும் தேனி மாவட்டத்தைச் சார்ந்த சுதந்திரப் போராட்ட வீரர்கள் குறித்த அறிந்த அறியப்படாத வீரர்கள் புகைப்படங்கள் இடம் பெறசெய்யப்பட்டது.
