ஈரோடு மாவட்டம் திம்பம் மலைப்பாதையில் விதிக்கப்பட்டுள்ள போக்குவரத்து தடைகளை நீக்க கூறி தாளவாடியில் முழு கடையடைப்பு போராட்டம் நடத்தப்பட்டது. விவசாய சங்கத்தினர்,வணிகர் சங்கத்தினர் தாளவாடி பேருந்து நிலையத்தில் கவன ஈர்ப்பு ஆர்ப்பாட்டத்தில் ஈடுபட்டனர்.ஈரோடு மாவட்டம் திம்பம் மலைப்பாதையில் விதிக்கப்பட்டுள்ள இரவு நேர போக்குவரத்து தடையை நீக்கக்கோரி தாளவாடியில் நேற்று முழு கடையடைப்பு போராட்டம் நடத்தப்பட்டது. இதில் தாளவாடி பகுதியில் 500க்கும் மேற்பட்ட கடைகள் அடைக்கப்பட்டன. மேலும் தாளவாடி பேருந்து நிலையத்தில் விவசாய சங்கம் மற்றும் வணிகர் சங்கம் சார்பாக கவனயீர்ப்பு ஆர்ப்பாட்டம் நடைபெற்றது. இந்த ஆர்ப்பாட்டத்திற்க்கு விவசாய சங்க தலைவர் கண்ணையன் தலைமை தாங்கினார்.
