அமெரிக்காவில் இரண்டு விமானப் பயணிகள், விமான பயணத்தின்போது பணியாளர்களையும் மற்ற பயணிகளையும் தாக்கியதுடன், வன்முறையில் ஈடுபட்டதாக குற்றம் சாட்டப்பட்ட இரண்டு பெண் பயணிகளுக்கு, தலா $81,950 டாலர் மற்றும் $77,272 டாலர் என மொத்தம் $160,000 அபராதம் விதிக்கப்படுவதாக அமெரிக்கஃபெடரல் ஏவியேஷன் நிர்வாக அதிகாரிகள் கடந்த வெள்ளிக்கிழமை அறிவித்தனர்.
இது ஒரு தனிப்பட்ட பயணிக்கு எதிராக செயல்பட்டதற்காக இதுவரை விதிக்கப்பட்ட அபராதங்களில் மிகப் பெரிய தொகை என்று ஏவியேஷன் நிர்வாக அதிகாரிகள் தெரிவித்தனர்.
இந்த அபராதங்களை போக்குவரத்து செயலாளர் பீட் புட்டிகீக் கடந்த வெள்ளிக்கிழமை அறிவித்தார்.
ஏபிசியின் தி வியூவில் தோன்றியபோது, "நீங்கள் விமானத்தில் இருந்தால், முட்டாள்தனமாக இருக்காதீர்கள் மற்றும் விமானக் குழுவினர் மற்றும் சக பயணிகளுக்கு ஆபத்தை ஏற்படுத்தாதீர்கள்" என்று அவர் கூறினார். "நீங்கள் அவ்வாறு செய்தால், FAA மூலம் அபராதம் விதிக்கப்படும்." என தெரிவித்தார்.
முதல் சம்பவத்தில்டெக்சாஸிலிருந்து வட கரோலினாவுக்குப் பயணித்த அமெரிக்கன் ஏர்லைன்ஸ் பயணி ஒருவர், விமானப் பணிப்பெண்ணை காயப்படுத்துவதாக மிரட்டியதற்காக $81,950 அபராதம் செலுத்துமாறு கேட்டுக்கொள்ளப்பட்டார்.
மற்றொரு சம்பவத்தில், பயணி லாஸ் வேகாஸில் இருந்து அட்லாண்டாவுக்கு டெல்டா ஏர் லைன்ஸில் பறந்து கொண்டிருந்தார். அவர் "தனக்கு அருகில் அமர்ந்திருந்த பயணியைக் கட்டிப்பிடித்து முத்தமிட முயன்றார், விமானத்தின் போது வெளியேற முயற்சிப்பதற்காக விமானத்தின் முன்புறம் நடந்தாள்; அவர் இருக்கைக்குத் திரும்ப மறுத்துவிட்டாள்; மற்றொரு பயணியை பலமுறை கடித்தார்".
பெயரிடப்படாத அந்த பயணி, குழு உறுப்பினர்களால் உடல் ரீதியாக கட்டுப்படுத்தப்பட்டார், இப்போது $77,272 அபராதம் செலுத்துமாறு கேட்கப்பட்டுள்ளார்.
.jpg)
