நீதிமன்றத்தால் பிடிவாரண்ட் பிறப்பிக்கப்பட்டு கைதான நடிகை மீரா மிதுனுக்கு ஏப்ரல் 4 வரை நீதிமன்ற காவல் பிறப்பிக்கப்பட்டது.
மீரா மிதுனை ஏப்ரல் 4 வரை சிறையில் அடைக்க சென்னை முதன்மை அமர்வு நீதிமன்ற நீதிபதி அல்லி உத்தரவிட்டார்.
மாடலாக இருந்து சில படங்களில் சிறிய வேடங்களில் நடித்த மீரா மிதுன் மீது கடந்த ஆண்டின் தொடக்கத்தில்,SC/ST வன்கொடுமை தடுப்புச் சட்டம் உள்ளிட்ட சாதிவெறிக் கருத்துகளுக்காக 7 பிரிவுகளின் கீழ் வழக்குப் பதிவு செய்யப்பட்டது.
பின்னர் அவர் ஆகஸ்ட் 2021 இல் கேரளாவில் சென்னை காவல்துறையால் கைது செய்யப்பட்டார். பின்னர் செப்டம்பரில் ஜாமீன் பெற்றார். தற்போது, எழும்பூர் நீதிமன்றம் பிறப்பித்த ஜாமீனில் வெளிவர முடியாத பிடிவாரண்ட் தொடர்பாக சர்ச்சைக்குரிய மீரா மிதுனை சென்னை நகர சைபர் கிரைம் பிரிவு போலீஸார் கைது செய்துள்ளனர்.
