சத்தியமங்கலம் அருகே அடையாளம் தெரியாத வாகனம் மோதி ஒரு வயது மதிக்கத்தக்க சிறுத்தை பலி..

ஈரோடு மாவட்டம் சத்தியமங்கலம் புலிகள் காப்பக வனப்பகுதியில் மான், யானை, புலி, சிறுத்தை, காட்டெருமை உள்ளிட்ட ஏராளமான வனவிலங்குகள் வசித்து வருகின்றன. இந்நிலையில் சத்தியமங்கலம் அருகே உள்ள பண்ணாரி சோதனை சாவடி வழியாக செல்லும் திண்டுக்கல் - மைசூர் தேசிய நெடுஞ்சாலையில் அமைந்துள்ள திம்பம் மலைப்பாதை

 1-வது கொண்டை ஊசி வளைவின் முன்பு வனப்பகுதியை விட்டு வெளியேறிய சிறுத்தை ஒன்று சாலையை கடக்க முற்பட்ட போது எதிர்பாரத விதமாக அடையாளம் தெரியாத வாகனம் மோதி உயிரிழந்தது. இதுகுறித்து வாகன ஓட்டி ஒருவர் கொடுத்த தகவலின் அடிப்படையில் சத்தியமங்கலம் வனத்துறையினர் சம்பவ இடத்திற்கு சென்று சிறுத்தையின் உடலை கைப்பற்றி சிறுத்தையின் மீது மோதிய வாகனம் எது என பண்ணாரி சோதனைச் சாவடியில் உள்ள சிசிடிவி காட்சிகளை கொண்டு விசாரணை மேற்கொண்டு வருகின்றனர்.