தூத்துக்குடி மாவட்டம், நாசரேத் காவல் நிலைய எல்லைக்குட்பட்ட பகுதிகளில் தொடர் இருசக்கர வாகன திருட்டில் ஈடுபட்டவர் கைது செய்யப்பட்டு 2 இருசக்கர வாகனங்கள் பறிமுதல் செய்யப்பட்டன.
எட்வர்ட் (57), த/பெ. மாணிக்கம், வியாபாரிகள் தெரு, நாசரேத் என்பவர் கடந்த 24.12.2021 அன்று தனது வீட்டு முன்பு TN 72 AM 9427 (Honda Shine) என்ற இருசக்கர வாகனத்தை நிறுத்திவிட்டு பின்னர் வந்து பார்க்கும்போது அந்த வாகனம் திருடு போனது தெரிய வந்துள்ளது.
அதேபோன்று துரைசாமி (39), த/பெ. கட்டேரி பெருமாள், நாசரேத் என்பவர் கடந்த 26.12.2021 நாசரேத் லூக்கா மருத்துவமனை அருகே உள்ள தனது ஹோட்டல் முன்பு TN72 AW 2918 (TVS XL SUPER HEAVY DUTY) என்னும் தனது இரு சக்கர வாகனத்தை நிறுத்தியுள்ளார். பின்னர் வந்து பார்க்கும்போது அந்த வாகனம் திருடு போனது தெரிய வந்துள்ளது.
மேற்படி சம்பவங்கள் குறித்து எட்வர்ட் மற்றும் துரைசாமி ஆகியோர் நேற்று (27.12.2021) அளித்த புகாரின் பேரில் நாசரேத் காவல் நிலைய போலீசார் வழக்குகள் பதிவு செய்தனர்.
இதுகுறித்து நாசரேத் காவல் நிலைய உதவி ஆய்வாளர் சுப்பிரமணியன் தலைமையிலான போலீசார் விசாரணை மேற்கொண்டதில் இருதயராஜ் (எ) பூச்சி (46), த/பெ. அந்தோணி, மணி நகர் 1வது தெரு, நாசரேத் என்பவர் மேற்படி இரண்டு இருசக்கர வாகனங்களையும் திருடியது கண்டுபிடிக்கப்பட்டது.
இதனையடுத்து நாசரேத் காவல் நிலைய போலீசார் இருதயராஜ் (எ) பூச்சி என்பவரை கைது செய்து அவரிடமிருந்து திருடப்பட்ட 2 இருசக்கர வாகனங்களையும் பறிமுதல் செய்தனர்.
மேலும் இருதயராஜ் (எ) பூச்சி மீது ஏற்கனவே நாசரேத் காவல் நிலையத்தில் ஒரு வழக்கும், திருநெல்வேலி மாவட்டம் நாங்குநேரி காவல் நிலையத்தில் ஒரு இருசக்கர வாகன திருட்டு வழக்கும் என மொத்தம் 2 வழக்குகள் உள்ளது குறிப்பிடத்தக்கது.
