தூத்துக்குடி மாவட்டம் கோவில்பட்டி யூ.பி.எம்.எஸ்.மேல்நிலைப் பள்ளியில் குழந்தைகள் தினவிழா மற்றும் உலக கருணை தின விழா கொண்டாடபட்டது. மேலும் மாணவ,மாணவிகளுக்கு பேச்சுப் போட்டி, கட்டுரைப் போட்டி,ஓவியப் போட்டி நடைபெற்றது. விழாவிற்குப் பள்ளியின் நிறுவனர் பரமசிவம் தலைமையில் பள்ளி முதல்வர் அமுத வள்ளி,வரவேற்புரை வழங்கினார்.
நிகழ்ச்சியில் விளாத்திகுளம் சட்ட மன்ற உறுப்பினர் ஜீ.வி.மார்க்கண்டேயன் கலந்து கொண்டு போட்டியில் வெற்றி பெற்ற மாணவ மாணவிகளுக்கு பரிசுகள் வழங்கினார்.
நிகழ்ச்சியில் பசும்பொன் முத்துராமலிங்கத் தேவர் ஆசிரியர் பயிற்சி நிறுவன தாளாளர் தங்கபாண்டியன், கயத்தார் மேற்கு ஒன்றிய செயலாளர் கருப்பசாமி, தூத்துக்குடி வடக்கு மாவட்ட இளைஞரணி துணை அமைப்பாளர் இம்மானுவேல்,
தூத்துக்குடி வடக்கு மாவட்ட பொறியாளர் அணி துணை அமைப்பாளர் ரமேஷ், வழக்கறிஞர் அழகர்சாமி, உள்ளிட்ட பலர் கலந்து கொண்டனர்.
