முறையாக பூச்சி மருந்து அடித்து பராமரிக்காத தூத்துக்குடி மூன்றாவது மைலில் உள்ள இந்திய உணவு கழகத்தின் குடோன் வளாகத்திலிருந்து வெளியேறும் அந்துப் பூச்சிகளால் ஓரிரு கிலோமீட்டர் சுற்றளவுக்குள் உள்ள ஆயிரக்கணக்கான வீடுகளில் வசிக்கும் மக்கள் பெரும் துன்பத்திற்க்கு ஆளாவதாக பொதுமக்கள் மாவட்ட ஆட்சியரிடம் புகார் அளித்துள்ளனர்.
இந்தப் பூச்சிகள் எல்லா இடங்களிலும் சுற்றுவதால், குடியிருப்பாளர்கள், குறிப்பாக குழந்தைகள், நோயாளிகள் மற்றும் மூத்த குடிமக்கள், பசும்பொன் நகர், ஆசீர்வதம் நகர், முத்து நகர், இந்திரா நகர் மற்றும் மூன்றாவது மைல், 1,000 க்கும் மேற்பட்ட வீடுகளில் வசிக்கும் மக்கள் கடந்த பல ஆண்டுகளாக தூக்கத்தை இழந்துள்ளதாக பகுதி வாசிகள் குற்றம் சாட்டினர்
உணவு தானியங்களை சேமிப்பதற்காக 40 ஆண்டுகளுக்கு முன்பு சில ஏக்கர் நிலத்தில் மூன்றாவது மைலில் தனது குடோனை நிறுவிய இந்திய உணவு கழகம், இப்போது சேமித்து வைக்கப்பட்ட உணவு தானியங்கள் இனப்பெருக்கத்திற்கு உகந்த சூழலை வழங்குவதால் அந்துப்பூச்சிகளின் இனப்பெருக்கமாக மாறியுள்ளது.
பகலில் உள்ளேயே அடைந்து கிடக்கும் அந்துப்பூச்சிகள், மாலை 5 மணிக்குப் பிறகு விளக்கு ஒளியால் ஈர்க்கப்பட்டு வீடுகளுக்குள் நுழைகின்றன. குடியிருப்பாளர்கள் தங்கள் வீடுகளில் சுற்றிலும் வலை அடித்தும், கதவுகளை பூட்டியும் பாதுகாப்பாக மாற்றினாலும், அந்துப்பூச்சிகள் இன்னும் சிறிய இடைவெளிகளில் வீடுகளுக்குள் நுழைகின்றன என குற்றம் சாட்டுகின்றனர்.
“அந்துப்பூச்சிகள் திடீரென சாப்பாடு தட்டில் விழுவதால் எங்களால் சரியாகச் சாப்பிடக்கூட முடியவில்லை. அதிகாரிகளிடம் நாங்கள் பலமுறை முறையிட்டும் எந்த பதிலும் வரவில்லை ”என்று FCI குடோன் அருகில் உள்ள P and T காலனியில் வசிக்கும், சிபிஐ (எம்) மாவட்ட செயலாளர் கேஎஸ் அர்ஜுனன் கூறினார். .2002 முதல் இந்த பிரச்சனைக்கு எதிராக நாங்கள் பல போராட்டங்களை நடத்தினோம் ... ஆனால் இந்த 'குடோன் வண்டு' (Moths) அச்சுறுத்தலை முடிவுக்குக் கொண்டுவர பயனுள்ள தீர்வு எதுவும் இதுவரை வழங்கப்படவில்லை என்றார்.
இதுதொடர்பாக கடந்த திங்கள்கிழமை மாவட்ட ஆட்சியரிடம் மனு அளித்த அதிமுகவின் மாவட்ட துணைச் செயலாளர் ஏ.சந்தானம் கூறுகையில், உணவு தானியங்களிலிருந்து வரும் அந்துப்பூச்சிகள் (Moths) அருகிலுள்ள பசும்பொன் நகர், ஆசீர்வதம் நகர் மற்றும் முத்து நகர் ஆகிய பகுதிகளில் உள்ள வீடுகளுக்குள் புகுந்து குடியிருப்புவாசிகளுக்கு சொல்லமுடியாத பிரச்சனைகளை ஏற்படுத்துகிறது.
அந்துப்பூச்சிகள் (Moths) சிறிய இடைவெளிகளில் வீட்டுக்குள் நுழைந்து உணவின் மீது விழுந்து விடுகின்றன, சில நேரங்களில் தற்செயலாக கண்களில் விழுவதால் கடும் எரிச்சலை ஏற்படுத்துகின்றன, பின்னர் கண் மருத்துவர்களை நாடி மருத்துவம் பெற வேண்டியுள்ளது, எனவே, குடோன்களையும் வீடுகளையும் ஆய்வு செய்து இந்த அபாயத்தை சரி செய்ய மாவட்ட கலெக்டர் அதிகாரிகளுக்கு அறிவுறுத்த வேண்டும், ”என்றார் சந்தானம்.
உணவுத் தானியங்களில் உள்ள இனிப்பு அந்துப்பூச்சிகளின் (Moths)
இனப்பெருக்கத்தை எளிதாக்குகிறது என்று வேளாண் துறை இணை அதிகாரி ஒருவர் கூறினார். "முறையான மற்றும் அவ்வப்போது பூச்சி மருந்து அடிப்பது மட்டுமே இந்த பிரச்சினைக்கு பயனுள்ள தீர்வை வழங்கும்," என்று அவர் கூறுகிறார்.
தூத்துக்குடியில் நவம்பர் மற்றும் டிசம்பரில் பருவமழை தொடங்கும் போது அவற்றின் பெருக்கத்தைக் கட்டுப்படுத்த FCI மேலும் தினற வேண்டியதிருக்கும், கடந்த பருவ மழையின் போது சரியான நேரத்தில் செயல்படத் தவறிய அதிகாரிகளாலேயே இந்தப் பிரச்சினை மக்களை பாதித்திருப்பதாக தெரிகிறது. "இந்த பூச்சிகள் மளிகைப் பொருட்களையும் விட்டு வைக்காததால், சில நேரங்களில் அவற்றை குப்பையில் வீச வேண்டிய கட்டாயத்தில் உள்ளோம்" என அப்பகுதி மக்கள் குற்றம் சாட்டுகின்றனர்.
மழைக்காலத்தில் நிலைமை மிகவும் தீவிரமாகும் என பொதுமக்கள் அச்சம் தெரிவிக்கின்றனர். அதற்க்குள் இதற்கு உடனடி தீர்வு காணவேண்டும், ஏற்கனவே ஒரு பெருந்தொற்றுநோயை எதிர்த்துப் போராடுகிறோம். அதிகாரிகள் அதிக பொறுப்புடன் செயல்பட வேண்டும். FCI தனது சொத்துக்களை பராமரிக்கத் தவறியது சுகாதார அபாயத்தை மட்டுமல்ல, அதன் வளாகத்தில் சேமித்து வைக்கப்பட்டிருக்கும் விலைமதிப்பற்ற உணவு தானியத்தையும் இழக்கிறது, எனவும் அப்பகுதி மக்கள் குற்றம் சாட்டுகின்றனர்.
குடியிருப்பாளர்களின் புகார்களைத் தொடர்ந்து, மாவட்ட ஆட்சியர் கே.செந்தில் ராஜ் குடோன் மற்றும் பாதிக்கப்பட்ட வீடுகளை ஆய்வு செய்யும் பணியை தூத்துக்குடி வருவாய் கோட்ட அலுவலரிடம் ஒப்படைத்தார்.
"ஆர்டிஓ தாக்கல் செய்ய வேண்டிய அறிக்கையின் அடிப்படையில், பயனுள்ள தீர்வு காண உரிய நடவடிக்கை எடுக்கப்படும்" என்று டாக்டர் செந்தில் ராஜ் கூறினார்.
