திருச்சிராப்பள்ளி பணத்தாள்கள் சேகரிப்போர் சங்கம் உலக நாடுகளின் பணத்தாளினை சேகரித்து அந்நாட்டின் வரலாறு, கலாச்சாரம், பண்பாடு, பொருளாதாரத்தை எடுத்துரைத்து வரும் பணத்தாள்கள் சேகரிப்பு அமைப்பாகும்.
மேலும் சேகரிப்பாளர்கள் பல்வேறு நாடுகளின் நாணயங்கள், பணத்தாள்கள் பற்றி அறிந்து கொள்ளும் விதமாக நூல்கள் வெளியிட்டு வருகின்றது. அவ்வகையில் நிறுத்தப்பட்ட பக்ரைன் நாணயங்கள் ஆங்கில நூல் வெளியீட்டு விழா திருச்சியில் நடைபெற்றது. சந்திரசேகரன் வழங்கிய கட்டுரையினை திருச்சிராப்பள்ளி பணத்தாள்கள் சேகரிப்போர் சங்க தலைவர் விஜயகுமார் நூலாக வெளியிட்டார். நூலினை வெளியிட்டு விஜயகுமார் பேசுகையில்,
பஹ்ரைன் நாட்டின் மக்கள் எழுச்சியைத் தொடர்ந்து, பஹ்ரைன் நாட்டிலிருந்து 500 ஃபில்ஸ் நாணயம் 2011 ஆண்டு நிறுத்தப்பட்டது. 500 ஃபில்ஸ் நாணயம் பைமெட்டாலிக் 500 ஃபில்ஸ் துண்டின் பின்புறத்தில் முத்து நினைவுச்சின்னம் இடம்பெற்றுள்ளது.
பஹ்ரைனின் தலைநகர் மனாமாவில் உள்ள முத்து ரவுண்டானாவின் மையத்தில் 1982 முதல், வளைகுடா ஒத்துழைப்பு கவுன்சிலின் (ஜி.சி.சி) நிகழ்வில் முத்து நினைவுச்சின்னம் அமைக்கப்பட்டது. இக் காரணத்திற்காக முத்து ரவுண்டானா ஜி.சி.சி ரவுண்டானா என்றும் அழைக்கப்பட்டது.
முத்து நினைவுச்சின்னம் ஒரு முத்துவை வைத்திருக்கும் 'தோவ்ஸ்' ஜி.சி.சி.யின் ஆறு உறுப்பு நாடுகளை பிரதிநிதித்துவப் படுத்துகின்றன.
பஹ்ரைன், குவைத், ஓமான், கத்தார், சவுதி அரேபியா மற்றும் ஐக்கிய அரபு எமிரேட்ஸ். பஹ்ரைனின் மிக உயர்ந்த மதிப்பு நாணயம் 500 ஃபில்ஸ் (அரை பஹ்ரைன் தினார் ) ஆகும். நாணயத்தின் பின் பக்கத்தில் முத்து நினைவுச்சின்னத்தைக் கொண்டிருந்தது.
2011 இல், முத்து ரவுண்டானா பஹ்ரைன் எழுச்சியின் தளமாக இருந்தது. பல ஆயிரம் ஆர்ப்பாட்டக்காரர்கள் அரசாங்கத்திற்கு எதிராக ஆர்ப்பாட்டம் செய்ய முத்து ரவுண்டானாவில் கூடாரங்களை அமைத்தனர். இதன் விளைவாக பல காயமடைந்த எதிர்ப்பாளர்கள் மற்றும் நான்கு பொதுமக்கள் கொல்லப்பட்டனர்.
நினைவுச்சின்னம் முன்பு நடைபெற்ற பல்வேறு போராட்டங்களால் 500 ஃபில்ஸ் நாணயம் நிறுத்தப்பட்டது.
ஆர்ப்பாட்டங்களுக்கு ஒரு மாதத்திற்குப் பிறகு, முத்து நினைவுச்சின்னம் அழிக்கப்பட்டது. முத்து நினைவுச்சின்னத்தை அரசாங்க எதிர்ப்பு ஆர்ப்பாட்டங்களால் 'மீறப்பட்ட' மற்றும் 'இழிவுபடுத்தப்பட்டதால்' அதை அப்பறப்படுத்த பஹ்ரைன் அரசாங்கம் உத்தரவிட்டது.
முத்து நினைவுச்சின்னத்தைக் கொண்டிருந்த 500 ஃபில்ஸ் நாணயத்தை பஹ்ரைன் மத்திய வங்கி உடனடியாக நிறுத்தியது.
முத்து ரவுண்டானாவில் பஹ்ரைன் எழுச்சி
பஹ்ரைன் முத்து நினைவுச்சின்னம் அழிக்கப்பட்டது
முத்து நினைவுச்சின்னம் அழிக்கப்பட்டதனால்
பஹ்ரைன் எழுச்சி ஆறு ஆண்டுகளுக்கு மேலாகியும், ரூபாய் நோட்டுகளுக்கு 500 ஃபில்ஸ் நாணயங்களை பரிமாறிக்கொள்ள முடியாது. மத்திய வங்கி பஹ்ரைன் அனைத்து 500 FILS நாணயம் பற்றி குறிப்பிடவே இல்லை. முத்து நினைவுச்சின்னம் இடம்பெறும் 500 ஃபில்ஸ் நாணயங்கள் அதிகாரப்பூர்வமாக அவற்றின் பண மதிப்பை இழந்துள்ளன என்ன நூலினை குறித்து எடுத்துரைத்தார். பாண்டியன், முஹமது சுபேர், சாமிநாதன், மன்சூர், சந்திரசேகரன், ராஜேஷ் , இளங்கோவன், கமலக்கண்ணன் உட்பட பலர் நிகழ்ச்சியில் பங்கேற்றார்கள். முன்னதாக செயலாளர் குணசேகரன் வரவேற்க, பொருளாளர் அப்துல் அஜீஸ் நன்றி கூறினார்
