தூத்துக்குடி மாவட்டம், நாலுமாவடியில் புதுவாழ்வு சங்கம் சார்பில் புதிதாக கட்டப்பட்டுள்ள புதுவாழ்வு பன்னோக்கு மிஷன் மருத்துவமனையை திறப்பு விழா இன்று நடைபெற்றது.
நிகழ்ச்சியில் இயேசு விடுவிக்கிறார் நிறுவனர் மோகன் சி.லாசரஸ் தலைமை வகித்தார். சமூக நலன்மற்றும் மகளிர் உரிமைத்துறை அமைச்சர் கீதாஜீவன், மீன்வளம் மற்றும் கால்நடை பராமரிப்பு துறை அமைச்சர் அனிதா.ராதாகிருஷ்ணன் ஆகியோர் முன்னிலை வகித்தனர்.
விழாவில் சிறப்பு விருந்தினராக திமுக மகளிர் அணி செயலாளரும், தூத்துக்குடி பாராளுமன்ற உறுப்பினருமான கனிமொழி கருணாநிதி கலந்து கொண்டு புது வாழ்வு பன்னோக்கு மிஷன் மருத்துவமனையை திறந்து வைத்து சிறப்புரை ஆற்றினார்
விழாவில் சட்டமன்ற உறுப்பினர் சண்முகையா, தூத்துக்குடி மாநகராட்சி மேயர் ஜெகன் பெரியசாமி, ஒன்றிய பெருந்தலைவர் ஜனகர், ஒன்றிய செயலாளர் நவீன்குமார் மாநகரச் செயலாளர் ஆனந்த சேகரன், ஆவின் சேர்மன் சுரேஷ்குமார், உள்பட திமுக நிர்வாகிகள், பொதுமக்கள் பலர் கலந்து கொண்டனர்.
